facebook twitter youtube instagram
العودة   المنتدى الرسمي للرادود الحسيني الحاج ملا جليل الكربلائي > ~*¤ô§ô¤*~ | منابر ملا جليل الكربلائي || ~*¤ô§ô¤*~ > منبر قصائد الملا المقروءه

منبر قصائد الملا المقروءه يختص بقصائد ملا جليل المقروءه

إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 3rd May 2014, 01:57 AM   #1


الصورة الرمزية علي هاشم البدراوي
علي هاشم البدراوي غير متصل

بيانات اضافيه [ + ]
 رقم العضوية : 4340
 تاريخ التسجيل :  Feb 2009
 أخر زيارة : 18th February 2016 (12:13 PM)
 المشاركات : 21,242 [ + ]
 التقييم :  179
 الدولهـ
Iraq
 الجنس ~
Male
 مزاجي
 MMS ~
MMS ~
 SMS ~
قال الامام الصادق (ع) :
ان حبنا أهل البيت ليحط الذنوب عن العباد
كما تحط الريح
الشديدة الورق من الشجر
 اوسمتي
وسام أنشط عضو لهذا اليوم وسام الاداري المميز شكر وتقدير المراقب المميز 
لوني المفضل : Black
افتراضي قصائد محرم 1435 هـ كوت الكريمية (( مكتوبه ))



المسير مع السبايا
سيد سعيد الصافي
عـذري منك ياكفيلي ... ماوصلتك عالنهر
ارد اخبرك عن رحيلي ... ماوصلتك عالنهر
وجهت وجهي وبجيت .. ساعة العنك مشيت
ماوصلتك عالنهر
****
من رحت وبگلبي حسره
ماطـفه لاخــر حـــياتي
اشلون اگولن ماوصلــتك
وانـته كعــبة امنـــياتي
عـفتك وغـصــبن عـلــيه
من رحت مومن رضاتي

لـــو بــديه ابقه يـمك
لمـن ايگــرب ممــاتي
----
اني من عمر الطفوله .. مارحم گلبي الدهر
طوح الحادي بذلوله .. مارحم گلبي الدهر
لو جنت ليك اعـتنيت .. ساعة الـعنك مشيت
ماوصلتك للنهر
****
عــنك امشي وذكـرياتي
جانت اوياي اعـله بالي
من جنت خويه بوجودك
يزهي بيتي وخدري عالي

اوصوتي ماواحد يسمعه
اومحـد امشاهـد خـيالي
اولا يطـول عــمري ريته
اوغـير الهـموم اشبگالي
-----
للخيم مصباح عمري .. من رجع محني الظهر
ونحنه اويه حسين ظهري.من رجع محني الظهر
گلي شنسه او مانسيت .. ساعة الـعنك مشيت
ماوصلتك للنهر
****
شامت اليحدي الضعينه
او طبعه يتسله ابعـذابي

من طلع بالحومة مرني
غايته ايهـيـج مصـابي
والعـدو الماعـنده رحمه
ماظـن ايهـزه عــتابـي
ومن رحت منك عـرفته
عــنك يطــول غــيابي
----
وابتدت غـيبه طويله .. رحلة هـموم وقهـر
او يادمع ينشف مسيله .. رحلة هـموم وقهـر
خويه ياريتك دريت .. ساعة الـعنك مشيت
ماوصلتك للنهر

****
صوت من الحومة اسمعه
جـدد اعـلـيه المصــيبه
يالــمشـيتي ابــلايـه والي
وعـفتي اخوتج ياغـريبه
هـذا المگـطـعه اجـفـوفه
وذاك الثـيـابـه سـلــيــبه
وانـي ماادري شــجاوب
والگــلب يسعـــر لهـيبه
----
دمعـتي جانت جوابي .. عـالوجـن تركت اثر
بيها الامـي وعــتابـي .. عـالــوجن تركت اثر
من على الناگه هويت .. ساعة الـعنك مشيت
ماوصلتك للنهر
والله حــيرني زمـــاني
بالمصــاب وكــثر هـمه
عن اخوي حسين امشي
لو اضـل بالحـومة يـمه
اشلون الي عيون وتشوفه
عـالثــره مخضـب ابــدمه
صحــت لـو يـوكع بــديه
ايظمني گبره اللـي يضمه
----
عالوطيه اشلون اعوفه .. جسمه المكطع وذر
من عـلى الناگه اشـوفه .. جسمه المكطع وذر
وانكسر ظهري انحنيت .. ساعة الـعنك مشيت
ماوصلتك للنهر
رحــت ياعــباس عـنك
والكـلـب يمـك تركـته
عالرمح راسك اكبالي
يضوي درب اللي كطعته
دمعـتي حركت اجفوني
من شلت ناظري وشفته
خدري ذاك الجان عالي
هاجت احزاني وذكـــرته
----
فزز اجروح اليتامه .. وجهـك المثل الكمر
ليلي بدد كل ظلامه .. وجهـك المثل الكمر
وحدي اروحن مارضيت .. ساعة العنك مشيت
ماوصلتك للنهر
والكــلام اللي سمعـته
والكــلـب زود ونــيــنه
من دخلنه الكوفه خويه
وشافوا الناس الضعينه
احــنه مانكدر نصـــدك
كطعـوا يســاره ويميـنه
----
الكنطره يوم اللزمها .. منها ماواحد عبر
ولاكو واحد وصل يمها .. منها ماواحد عبر
مادروا وحدي بكيت .. ساعة العنك مشيت
ماوصلتك للنهر



*****

القصيده 2

ليلة الاكبر ع
جابر الكاظمي
اتذكر واتحسر لفراكك يالاكبر
نورك غاب گلبي انصاب
لفراكك يالاكبر
****
يالاكبر اگــــبالي اشما بدر يطــلع
اتـذكر شــمايل وجهك اليطلع
انوح ومن يسيل امن الجفن مدمع
اذكر دمك اللي سال بالمصرع
واتغـير واتأثـــر ودلالي يضل يسعر
واحني اضلوع واجري دموع
لفراكك يالاكبر
****
هذا الليل جرالي ابغـيبتك يبني
يالردت سند للـدهر لو ذبني
سيف الصوبك بالاثر صـــوبني
وبفركتك حمل الصبر اتعبني
اتفكر واتحير ولمصابك اتصبر
حيلي انباد حزني ازداد
لفـراكك يالاكبر
****
مثل دمك دمعـتي تسفح وتجري
ولحظه غبت يوليدي عن فكري
حتى الصبر مل وجزع من صبري
ماحاسبه احسابي ولا جنت ادري

ابذاك البر تتوذر وبالمصرع تتعـفر
جسمك طاح كلبي ناح
لفراكك يالاكبر
****
ياحاوي محاسن جدك المختار
فكري عـليك يبني امدوهن ومحتار
ناس الصــابوا هامــتك بالبتار
كبلك صــوبوا هامة عــلي الكـــرار
هالمصدر من حيدر جدك فتح خيبر
صوتي يصيح دمعي يسيح
لفراكك يالاكبر
****

يضي عـيني الطفه وفاضت عـليه العين
ياغـصن الكطع اثماره جف البين
اخبرك خبر بيتي يجمع مصابين
لو ماينكطع عـكبك وريد احسين
مايكدر هالعسكر يتوصل للخدر
من هالناس شاب الراس
لفراكك يالاكبر
****
اون عـــليك ماونـــــت بنات الدوح
واحن ماحنت الناكه ابكلب مجروح
اشلون اترك ونيني والنحب والنوح
وشفت كبال عــيني منحرك مذبوح

اتصور هالمنحر والمدمع يتفجر
روحي اتحوم دمعي دموم
لفراكك يالاكبر
****
بعــفة خدر جيت لكربله بـــجالك
لني باليــسر والحادي جـتالــك
من بين ايدي يوليدي الدهر نالك
وانطاني الحزن والفاجعه ابدالك
ابهالمنظر لو تحضر مااطلع واتيسر
ابدرب الشام هالالام
لفراكك يالاكبر




****

القصيدة 3

لمن الاملاك تبكي
نجم الصراف الكاظمي
لمن الاملاك تبكي .. كلها في كربلا
فاجابوني حسينا ... بالدماء غسلا
ذبحوا القران فيه .. ضامئا فوق الثرى
****
ابكــربلا ولوعـة الطـف حكها تحـــتار البرايه
امنثره مثل الاضاحي اعله الثره جسوم ضحايه
او جن كتــاب الله نشوفه وكل شهيد لنحره ايه
وبكتر جاســـــم والاكبر وبكتر صاحب الرايه
فحسين كان طه .. او علي في ثراها
ولم الترب كئيب .. وبه حل البلاء
فاجابوني حسينا ... بالدماء غسلا
ذبحوا القران فيه .. ضامئا فوق الثرى
عالارض ثــارالله طايح
وراسه ماجان ويه جسمه
وعـن رسول الله محــمد
مايــفــــرق الا اســـــمه
ابكربلا المعنى الرساله
بالدمه الطـــاهر يرسمه
وداست الخيل اعله صدرة
وكــل ضلع جانت توسمه
كان قربان الخليل ... فغـدى ثار الجليل
لمن النوح تعالى ... في السماوات العلى
فاجابوني حسينا ... بالدماء غسلا
ذبحوا القران فيه .. ضامئا فوق الثرى
****
مـــن وكع بالحومة دامي
وعالترب مخضوب هامه
نــزلت امـــلاك الجــلاله
تــبجي قربــان الامــامه
والشــمر من حز وريده
وشـبـت النـــار ابخيامه
صاحت الحـره العــقيله
ابكربــلا قـامت قــــيامه
ثم نادت يامحمد .. ليت لو عينك تشهد
قلت ماذا بعد هذا .. بدموعي سائلا
فاجابوني حسينا ... بالدماء غسلا
ذبحوا القران فيه .. ضامئا فوق الثرى
****
والفجع عــــرش الجــلاله
منظـر حسين ورضـيعه
ابحضن ابوه الطفل ضامي
او ركـبته مالت كطــيعه
وفاطـــمة الزهــــرة تعنت
كاصده الصوب الشريعه
واخــذت جفوف الكــفاله
للسمه وياها الوديــــعـه
ودماءا صار دمعي ... وانحنى للهم ضلعي
قلت من اي مصاب ... عرش ربي زلزلا
فاجابوني حسينا ... بالدماء غسلا
ذبحوا القران فيه .. ضامئا فوق الثرى
****
واليــنـاشـد من تجـرء
يــذبـح الابــن الزجــيه
راح اكـله لانـصـــارى
او لايهــود الخـيـبــريه
لاجـن الفجعـوا محـمد
بالطـفـوف اولاد امــيه
ذبحوا حسين او بنينه
او يــتموا سكــنه ورقيه
تل ومن تلك الرزايا .. زينب بين السبايا
فهتفت اي خطب .. جاء من تلك الملا
فاجابوني حسينا ... بالدماء غسلا
ذبحوا القران فيه .. ضامئا فوق الثرى
****
والذبــــح گـلــب المعـــالي
صرخه من اصعب مسيره
زيـــنب اتــنادي او نظرهه
اعله النهــــر جانت تديره
ابحركة المفجوعه صاحت
خويه يابــــدر العـــشيره
غــيرتك ماضـــنها ترضه
بت علي تصـــبح يســيره
----
ونداها كان سهما .. ولقلب الصخر ادمى
قلت من بعد الكفيل .. قـــــلبها فيها ابتلى
فاجابوني حسينا ... بالدماء غسلا
ذبحوا القران فيه .. ضامئا فوق الثرى



*****

القصيدة 4

شعارنا حب الحسين
جابر الكاظمي
عاشورا شعارنا ... كربلا منارنا
وبالدماء ... نحن فداء ... ياحسين
****
كثــر الامــم بتــاريـــخ لــو رايـــــد تعــددهــــــا
كل امه ابشعار اتصيح تشــرح هدف مقصـــدها
اومن اجـل الهدف تصمد وترخص اغلا ماعدها
تنـطي النفـــس تــنــطي الدم لو مسوا عقايدها
واحنــه امــتك يحـــســين للـــبيــعــه نــجددهــا
قد رفعـنا ندائنا ... ورفعنا لوائنا
وبالدماء ... نحن فداء ... ياحسين
****
انت الجامعه التجمع مناهج ثورة فكريه
انـــت الفندت يحســـــين قانون العـــبوديه
ماتــقبل تعـــيش ابـــــذل يامجـــمل الحريه
دمك للشــرف سجــل مضمــونه ومعـــانيه
واحنه بخطك الواضح نمشي بخالص النيه
وهــــذه قاعــــدتنا اويـــاك عن ايمان مبنيه
قد حرزنا خلودنا ... وكتبنا عهودنا
وبالدماء ... نحن فداء ... ياحسين
****
انـــت قــــدوة الاجيــال وانت كعـــبة الثــوار
من عـنك اخذنه ادروس معـنى القيم والايثار
مانــنحــرف عــن دربــك ومايجــرفنه كل تيار
اولو خـيرونه يامظلــوم غـــيرك ابـــد مانختار
انــت اللــي تكــول الموت اولا من ركوب العار
وانت اللي تكول العار اولا مــــن دخول النار
قد عرضنا انفسنا ... لك نفدي رؤسنا
وبالدماء ... نحن فداء ... ياحسين
****
احنه امـتك احـنه وماشـين اعله هالدستور
نحـرك النه قدمته اشلون انعـز عليك انحور
اولو تنشدنه عن كبرك كبرك بالكلب محفور
او هاي الدمعه معناها نرفض حكم كل مغرور
مثلك نصمد وهيهات نخضع للظلم والجور
عزمك ثبت تخليدك وتشهد ملحمة عاشور
لك تبكي سمائنا ... لك تجري دمائنا
وبالدماء ... نحن فداء ... ياحسين
****
يحســين العـلاقة وياك من الازل جمعـتنه
وكـل ماتــكـثر الصدمات تترسخ عقـيدتــنه
البــئيه كـالوا اتأثر ومااثـرت بـيئـتـنــــــــه
احنه بكل محيط انعـيش نحمل نفس فكرتنه
تثـبـيت الجـبل ثـبتـت مبادئـنه او ارادتــــنه
وعن دربك يبو السجاد ماتنعــكس نظــرتنه
قد هجرنا ديارنا ... وكتبنا قرارنا
وبالدماء ... نحن فداء ... ياحسين
رادوا حـبك انعـوفه ورادوا للظـلم ننصــــــــاع
من دار الغرب يحسين نحجي ونشرح الاوضاع
رفضـنه وعـنك امشينه ياابن النبي بغـير وداع
عن كربلا مغصوبين رحنه وعـفنه اشرف كاع
بعـنه الاهل بعـنـــه الروح بس حـبك المايـنباع
كل شي ضاع من عدنه بس عز النفس ماضاع
بيك تجلى كربتنا ... وستنار دروبنا
وبالدماء ... نحن فداء ... ياحسين


*****

القصيدة 5

قصيده لكفين العباس ع
جواد الخطيب
بالمحشر مابين الناس مرفوعه جفوف العباس
ابدمعه وحسره ... بيد الزهره
مرفوعه اجفوف العباس
****
وفـــاء الزهــرة لم الاربعـــه الاقمار
تحجي ابيوم الحساب وتعلن الاسرار
سريــن ابضلعـــها الصوبة البســـمار
جـــفــين وتـطالــب بالـقــيامة الـــثار

يارب احكم عالطاغين .. والكطعواهاي الجفين
ابهاي العبره ... بيد الزهره
مرفوعه اجفوف العباس
مثــل ماوافــت ام عــباس بربــاها
الصاحــت ياحسين ابــــونه ابجاها
ونذرت كل ولدها ابكربله ادمــــاها
بالمحــشر الــزهره تكـــرعــيــناها

ابيوم القيامة البضعه .. راس ام عباس اترفعه
المحشر وامره ... بيد الزهره
مرفوعه اجفوف العباس
****
لامــو ثار ابــوها ولا ضلع مكسور
ولا جرح الصـــميده ولاجبد معذور
ولانحر الحـسين الذبحته اهل الجور
ابجفين الكــــمر اخذتها من عاشور
اتريد اتوافي ابهذا الحال .. ام العباس الكفال
الضحه بعمره ... بيد الزهره
مرفوعه اجفوف العباس
****
صوت ام الحسن مرفوع بين الناس
هـــاي ام البــــــنين ام الكمر عـباس
ام الاربــــعه والجــــــود والــنوماس
الصاحــت ياحـســـين ابآخر الانـفاس

جازتنه ونجازيها .. وافتنه ونوافيها
الصيحه الكبره ... بيد الزهره
مرفوعه اجفوف العباس
****
ابها الجفين يارب ارتوت ايــتام
بهالجــفين رفـت رايـة الاســـلام
وهالجفين جـانن للحسين احـزام
ابهالجفين زينب والاطفال اتـنام

ومن عكب هاي الجفين داس الحافر صدر حسين
او لوعة صدره ... بيد الزهره
مرفوعه اجفوف العباس



*****

القصيدة 6

قم ياحسين
للشاعر عقيل الكاظمي
قم ياحسين
حاطت بنا خيل العدى نمضي لأين
****
تل الجـراحــات بـميدان الاســى
ذا مركب في بحر احزاني رسى
قد جئته والحزن في قلبي قسى
وخيـــمتي لاحامـــــيا لا حارسا
خدري رهين
للحــزن للثار لغـــدر الظالمين
****
ياايها الحزن القديم السرمدي
ياحســـرة الــــيوم وياثأر الغد
ياضلــــع أمي يابقايا والدي
قم رد عنا خيل كيد المعتدي
خصم هجين
للظــلم أذ يدفــعه حقـد دفين
****
جئت وفي قلبي جراح ناصبه
وبين اضــــلاعي خـيام لاهبه
وبيــن عيــــني وجوه شاحبه
غيرها الخــوف وهول النائبه
تبدي الانين
تدعـوا يتاماك ألا هل من معـين

****
جئت وتل الحـــزن اضحى منبري
اذكر اذ اوصيتني تصبري تصبري
وايــن صــبري وارى بــــــناظري
في خيـــمتي تجــول خيل العسكري
يبن الامين
جالت ضباع الشر في ذاك العرين
****
قم ان خدري في مهب العاصفه
وذي يــتامى ونساءٌ لاهـــــــفه
فــقام من بين الجـــراح النازفه
يمـــده عزما لهيــــــب العاطفه
ليث ركين
لكنــــما اعــجــزه نزف الوتـين
هـــذه جراح نطفت في مقلتي
ان كنت حيا قم فادرك لهـفتي
او كنت ميتاً فلــربي شــكوتي
وهـــا انـــا عائــــدةٌ لخــيمتي
قلبي طعـين
ودمعة حـــــائرة في كل عين
****


*****

القصيدة 7

ياعلي هذه زينب ع
سيد سعد الذبحاوي
العالم ينادي ويه زينب ... كوم لينه ياعلي
خدر كل حـــــره تسلب ... كوم لينه ياعلي
هجمت اجيوش آل اميه .. اسمع تحشمك رقيه
كوم لينه ياعلي
****
امس حشمتك يبويه من ولوني بالطفوف
ردتك اتشاهد حسينك من تكطع بالسيوف
ليش يابويه عفتني وانه مابين الصفوف
اليوم رجعت آل اميه وريتك لحالي تشوف

بني سفيان ابحقدها ... ليه ردت من جديد
هاذي ترثتها او ولدها ... من بني سعد ويزيد
ايهددوني الناصبيه .. اسمع اتحشمك رقيه
****
ذولــــه لو يحــصـــل بديــهم هدموا كبر النبي
الناصبـــيــه خـــدم صاروا للعـــدو الاجــنــبي
او خائن الكعـبه وزمرته وكل وهابي وناصبي
ياعــلي ترضه بديــهم انه مـــرتــين انســـبي

اليدعي خادم الكعبه ... نهجه منهج طائـــفي
شن على الاسلام حربه ... ونــاره لا ماتنطفي
نار قــذرة وطــائفــيه ... اسمع تحشـمك رقيه
****
تدعي الاســـــلام لاكن تنــزف اضغـــان وحقد
مثل وحشي شكد وحوش ومثل هند شجم هند
امس اكلت جبد حمزه واليوم اكلت جم جبد
سبوا جم حره وشريفه ومحد اعليهم يرد

بن نويره وهذا جرحه..يشتكي امن ابن الوليد
ورجع عتبه ورجع طلحه .. ورجع حكم اللا رشيد
ذولــة اولاد الــدعــيه ... اسمع تحشمك رقـيه
****
كــوم ليـــنه ياولينه صـــاح دلالي الجـــــــريح
عـفه حلمــــك عـفه صبرك زينب الحره تصيح
اليستبيح انه الحرمتي الشرف كله حر يستبيح
مااظــن غـــيرتك تقبل ناصبي ايدنس الضريح

اكصد الشام بفقارك ... وينه عباس الكفيل
اليوم كل شيعي التجارك ..وانته حماي الدخيل
اويه العقيله الهاشميه .. اسمع تحشمك رقيه
****
العالم يصيح وينادي ياعلي هل من مغيث
ونسمع تحشمك رقيه وبيك صارت تستغيث
خوفي مرقدها يتهدم وبيه عدوانك تعيث
ابسوط كنفذ امس ماتت وينتقم رد الوريث

للنجف ابعــــث عتابي .. اشتكي مــــن اللئام
دين عدوانك وهابي .. واعله الاسلام السلام
ويه صوت الجعفريه .. اسمع اتحشمك رقيه
كوم لينه ياعلي



******

القصيدة 8

ياحيدر
علي الخفاجي
مانتغـير يـاحيدر
لو نتوذر ياحيدر
***
هـذا النــشيد انردد بالحــــــانه
وباجر نواسي زينب العطشانه
وقاماتــنا انحـنيها مـن ادمـانه
دمنه الينزف يـاحيدر
يكتب موقف يـاحيدر
****
باجر صباح العاشر يطر فجره
ياروسنه وقاماتنه المتحضـره
باجر تسبح للسبط كل كـطــره
صوتك خالد يـاحيدر
والدم شاهد يــاحيدر
****
احنه الجفن بالعاشر محضرينه
وحتى بضريح حسينه مزورينه
باجر تشاهد راســنه مطــبرينه
نحني القامه يـاحيدر
بدم الهامه يــاحيدر
****
دم راسي باجر يجري يالتسمعـني
صدكني عــن حســـين ماتمنعـني
تطبـــيري هوه البالحشر ينفعـني

نحني القامه يـاحيدر
بـــدم الهامه يــاحيدر
****
لهــل الملامه وصــلت مكــتوبــي
محبوبي هوه وشغـله من محبوبي
يحـــسين اصرخ ياشفــيع اذنــوبي
عنها ندافع يـاحيدر
مانتراجع يــاحيدر
صوت النداء يصيح ياابو اليمه
كل شيعي مايـــبخل عليك بدمه
حيدر يحيدر نصــرخ بهالجلمه
عنها ندافع يـاحيدر
مانــتراجع يــاحيدر


****

القصيدة 9

ياثار الله
علي الخفاجي
بأسمك ياســــر الله الاعظم
لسمـــــاعـيل اتفجر زمزم
انه احـروف وانت المعجم
ونصبغ رايتنـه بلون الدم
ياثار الله وماننساك .. تلكانه سيوف بيمناك
****
عشـــــــــاك وبسمك نـادينه
وبفـــــرض احروفك صلـينه
ومن جـــارت دنـيانه اعـلينه
وي جفوف الموت اتــلاوينه
من يــــــوم الطــف عاهدناك

يامــنقــذ نــوح بطـــــــوفانه
اطفـــالك ضــلت عــطـــشانه
وي دمــك نجـــــريها ادمـانه
وصوت المهدي يصيح ويانه
نطلـــبهم ثـــارات اعــــــداك
****
جلــــمه وللعـــالم نحجيها
انت الدنـــــيا وكل مابيها
يمـــك اولــــها وتالــــيها
يمته المحجوب يصـفيها
ياساعه ويشرع معـــناك
****
ياوارث من حيدر صبرك
ادم نـــاده الباري بنحرك
اخذ الروح وهي تخـبرك
حيـــرت الوجدان بأمـرك
واجـــــــبنه اتخلد ذكراك
****
قصــة ابراهــــيم اليرويها
وتاريخه يسـولف ماضيها
لو مااســمك حاضـر بيــها
نار النمــــرود شيطـــفيها
مايـــرجــــع كلمن ينخاك
****
موســــى بانواره الوهاجه
خاطب ربه وبأسمك ناجه
وطريــــت البحر وامواجه
ياوحــي الباري ومعراجه
برهانـــــه الاعظم شفناك
****
يا اعـذب من ماي الكوثر
عـــشاك وهذا الحب يكبر
يجـري بدمنه ومايتغـــير
حدنه وياك الكطع المنحر
فوضــــنه الامر وجيناك
***
*****

القصيدة 10

للتطبير
نجم الصراف الكاظمي
يا لا ئمي في الدمع والنزيف
لااتـرك الهــتاف للحــتــوف
يافاطمة قومي الــى الطفوف
هذا حسين طعمة السيـــوف
****
احـــي الشعـــائـــر وافتخر
والكــــــــل محــــرم انتظر
وبعـــــــد الصلاة الواجبه
اتطـــــــــبر بكل فخـــــــر
****

يامن تخالف مشعـــــري
وتدري شيدور بخاطـري
والله لـــو بالطـف جــنت
لحســـين اقدم منحـــري
****
فتوة المهدي واضحه
ابنص الدعاء مصرحه
ابدال الدمع ابـجي دمه
لجل الحسين او مذبحه
****
والمـهدي لو باجر ظهر
يــنــشــدنه ويـريد الخبر

شنهو العذر يالعارضت
فــتوة امام المنــتــظـــر
****
قد اقسم العباس بالمعين
والله ان قطعتموا يــميني
اني احامي ابداً عن ديني
وعن امام صادق اليقين
****
ويه الحزن يعگوب اله
قصه بدموعه مسجــله
ابـــــــيوسف امصــــابه
ذره المصــيبة كــــربله
****
كلــمــن الــه ديــــن وشرع
لو يســمع الحـق يقـتــنــع
او من عينه يعگوب انعمت
عــن طــبرتي انـزال المنبع
****
مو عابس ابــعـين المله
الحـب الحــسيـني يمثله
المن رمه سيـف ودرع
يامـن تعـــــارض اسئله
****
وبفـــتوة زينب بت علي
صـار الامر واضح جلي

اتكول اليحـــــرم طبرتـك
خل ينظــر الــــدم محملي
****
كل طبره كل گطـره دمـه
كل دمعة تنزل ساجـــمـه
تتسجل بــدفـتــر عــــــلي
وتضمن شفاعة فاطــــمة


*****

القصيدة 11

ليلة القاسم ع
سيد سعيد الصافي
ضويت العيون الشبابك شمع
لتلومهم لمــــــــن يهلن دمع
****
بين الامل والخوف يبني الگلب
گضيته بالحسبات طـــول الدرب
وينك يبعـــــــد امك اوين الحرب
ابريعـان عمرك وانه بيك انفجع
****
ياحلم عـمري العاش بين الجفن
كلما اذكـــره يهل دمعـــي واحن
حسبت يبنــــي اذب ثوب الحزن
هـــذا الحزن من يوم كسر الضلع
مني تريد انساك ونسه الربه
وربـــاك راسي والگلب شيبه
ماالك كـــل حگ لمن اتعـاتبه
ياظامي مايحتاج ماي النبع
****
يااحلى ورده تفوح اطيب عـطر
مـــنك اشم انفاسي وي كل فجر
لــو جان يكصر لو يطول العمر
من غير شوفك لاتضـن بيه نفع
****
انه ادري عنك يبني واجب فرض
لتلـــــوم كلبي اليـحن لو يعترض

اسمك ورسمـك بين نبض ونبض
من الـــولادة اوي العـطف منطبع
****
الشايــف حــنان الوالـــــده مايــلوم
گلبي اعله مهدك مثل طير اويحـــوم
جــنت بامــل فـــرحة ظــنوني اتدوم
و غـــدر الـــــزمان اعــــليه مايطلع
****
رايـــد وداعي ابلايه رجعه تروح
وتريد من امك تضـــل عدها روح
شلـــي ابكلب يصبح خليل الجروح
شــيداوي گــــلب الوالده الينصدع
****
يبـن الحسن يالمعـتني الحوفتك
وتـــريد تحوم عيني من شوفـتك
انــه ادري عــمك ينتظر نصـرتك
لا مــااكــدر تـــرد لــو امــــتنع
****
لو جان من عندي زماني خذاك
جسام يبني ماكو عندي سواك
وشلون اشوفك حنتك من دماك
نحري كبل نحرك عسن ينكطع


****

القصيدة 12


ليلة الاكبر ع
ناظم الحاشي
وينه الكال عنهم رافضيه
خل يشوف خدام الزجــيه
ينزف كل زمن دمها ... والتفجير ماهمها
خل يشوف خدام الزجيه
****
خـل يشـــوف صيحات الموالين
واكثر من عـشك عابس مجانين
لحسين اعــتنوا للطـــف ملايين
حب حسين دين وغــيره مودين
حب حسين عـلمها ... ينزف كل زمن دمها
****

الشيعه اتعـنته اتريد الشهاده
منه اتعـلمت صــبره وجهاده
عدهه الموت للمذهــب ولاده
دم حســين علمـــــها الاراده
روحه حسين قدمها ... ينزف كل زمن دمها
****
يصحاب الدشاديش الكصيره
ابقعـــر النــار قائدكم مصيره
ابد منعــاتبه الماعــنده غيره
امــــنين الدين للبايع ضميره
الباري الشيعه سلمها ... ينزف كل زمن دمها

****
تفجيـــــــرات حقد الـناصبيه
صورة اومـــن مذابـح ال اميه
نفس المذبحه ونــفس القضيه
ضد شيعة علي وسبطة ونبيه
كل الصار ماهمها ... ينزف كل زمن دمها
****
دم السال بالطف ظل عـلامه
بوجــوه النواصـــــب للقيامه
ضدهم تشتــكي دموع اليتامه
يوم المابعــد تنفـــع نـــــدامه
ضد الجان ضالمها ... ينزف كل زمن دمها

****
صحنه بصوت يصحاب الكراسي
خلصوا الناس من هاي المــآسي
محد كال منـــكم ذولــه نـــــاسي
وارهـــابي الوطن صاير سياسي
رد الجان يعـدمها ... ينزف كل زمن دمها
****


****

القصيدة 13

ليلة العاشر
ابو فاطمة العبودي
يبني يبني ... نحرك يعبد الله انكطع
يبني يبني ... دمك مثل عيسى ارتفع
يبني يبني ... والعالم العلوي انفجع
****
ابــو واذرف مـدامع حزني لو انظرك
اخــذتك والاجل يولـــيدي ينـــتــظرك
اشم عطر النبي جدي من اشم عطرك
مثــل خـــد الورد واترف بعـــد نحرك
يبني يبني ... رسـمك على اعيوني انطبع
يبني يبني ... دمــك مثل عـــيسى ارتـــفع
يبني يبني ... والعـــالـــم العــــلوي انفجع
****
براءة كــل طــفل اقــراها بعــيونك
رحــت بيك البشر بلجـن يرحمونك
يعــبد الله طفل ضـــامي يعرفــونك
طلبـت الماي منهم ظــني ينـطونك
يبني يبني ... لمصـــــــابك الكون انصدع
يبني يبني ... دمــك مثل عـــيسى ارتـــفع
يبني يبني ... والعـــالـــم العــــلوي انفجع
****
سهــم حاقــد اجـاك امنـكعـينه بسم
ونحــرك للسهم عـاينــته يتـــبسم
تصــوب انفجــر يوليدي منه الدم
شمس الكون غابت والنهار اظلم
يبني يبني ... بسابع ســمه صوتي انسمع
يبني يبني ... دمــك مثل عـــيسى ارتـــفع
يبني يبني ... والعـــالـــم العــــلوي انفجع
****
عيسى مـن ارتـفع مابـي رح جسمه
نبــي وكــل الملائــك تلهــج بأســـمه
وانــت منحـرك سـر انـــطـوه ابــدمه
صــبغ وجه السـماء وياســمه اتلــمه
يبني يبني ... دمك وحي ابحزني رجع
يبني يبني ... دمــك مثل عــيسى ارتــفع
يبني يبني ... والعـــالـــم العــــلوي انفجع
****
متت ابــين اديه وغـمضت عيناك
دمـــك بالعــزاء اتلـــكــته الاملاك
صرخ جبريل مثلي بالدمـع ينعـاك
انه والدك وانــصاب كلـــبي وياك
يبني يبني ... ناحـــــــت لك ايات الشرع
يبني يبني ... دمــك مثل عـــيسى ارتـــفع
يبني يبني ... والعـــالـــم العــــلوي انفجع
****
مثل طير الذهـب للحومه وديـتك
يبني ومنحــرك مكطـوع رديــتك
ابمناديـل الحنان ودمعي غــطيتك
تنظــر حالــتي يــبــني تـمنــيتـك
يبني يبني ... رسـمك على اعيوني انطبع
يبني يبني ... دمــك مثل عـــيسى ارتـــفع
يبني يبني ... والعـــالـــم العــــلوي انفجع


ونسألكم الدعاء



ساعد في نشر والارتقاء بنا عبر مشاركة رأيك في الفيس بوك


 
 توقيع : علي هاشم البدراوي



رد مع اقتباس
قديم 4th May 2014, 02:26 AM   #2


الصورة الرمزية باسميه للموت
باسميه للموت غير متصل

بيانات اضافيه [ + ]
 رقم العضوية : 3608
 تاريخ التسجيل :  Dec 2008
 أخر زيارة : 24th July 2016 (03:03 AM)
 المشاركات : 10,731 [ + ]
 التقييم :  383
 الدولهـ
Saudi Arabia
 الجنس ~
Female
 مزاجي
 MMS ~
MMS ~
 SMS ~
ــ
قال (عليه السلام): خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وإِنْ عِشْتُمْ حَنُّوا إِلَيْكُمْ.
لوني المفضل : Crimson
افتراضي رد: قصائد محرم 1435 هـ كوت الكريمية (( مكتوبه ))



اللهم صل على محمد وال محمد
يعطيك العافيه عالابيات الرائعه
تقبل الله منكم وعظم الله اجوركم


 
 توقيع : باسميه للموت



رد مع اقتباس
قديم 6th May 2014, 02:50 AM   #3
يـــارب حقق لــي امـــــلــي


الصورة الرمزية فدااء الحسين
فدااء الحسين غير متصل

بيانات اضافيه [ + ]
 رقم العضوية : 5098
 تاريخ التسجيل :  Apr 2009
 أخر زيارة : 4th October 2016 (12:51 AM)
 المشاركات : 13,250 [ + ]
 التقييم :  257
 الدولهـ
Saudi Arabia
 الجنس ~
Female
 مزاجي
 MMS ~
MMS ~
 SMS ~
لازال الامل يخبرني بان باب الفرج لا يغلق ابدا
في وجه من طرق باب الله
لوني المفضل : Crimson
افتراضي رد: قصائد محرم 1435 هـ كوت الكريمية (( مكتوبه ))



تقبل الله منكم
ويعطيكم العافيه


 
 توقيع : فدااء الحسين

كربلاء أمنية كل شيعي وموالي يتمناها ويتشوق للزيارة والحمدالله الذي رزقني بعد طول انتظار زيارة الامام الحسين عليه السلام


رد مع اقتباس
قديم 7th May 2014, 01:14 AM   #4


الصورة الرمزية علي هاشم البدراوي
علي هاشم البدراوي غير متصل

بيانات اضافيه [ + ]
 رقم العضوية : 4340
 تاريخ التسجيل :  Feb 2009
 أخر زيارة : 18th February 2016 (12:13 PM)
 المشاركات : 21,242 [ + ]
 التقييم :  179
 الدولهـ
Iraq
 الجنس ~
Male
 مزاجي
 MMS ~
MMS ~
 SMS ~
قال الامام الصادق (ع) :
ان حبنا أهل البيت ليحط الذنوب عن العباد
كما تحط الريح
الشديدة الورق من الشجر
لوني المفضل : Black
افتراضي رد: قصائد محرم 1435 هـ كوت الكريمية (( مكتوبه ))



اخواتي الفاضلات ,,,

باسمية للموت ,, فدااء الحسين

شكري وتقديري لكن على المرور الطيب

اسال الله ان يوفقكن لكل خير


 
 توقيع : علي هاشم البدراوي



رد مع اقتباس
قديم 7th May 2014, 10:21 AM   #5
صمتي لغتي
شاعـــرة


الصورة الرمزية موجة الم
موجة الم غير متصل

بيانات اضافيه [ + ]
 رقم العضوية : 19288
 تاريخ التسجيل :  Jul 2013
 أخر زيارة : 11th November 2016 (05:31 PM)
 المشاركات : 3,637 [ + ]
 التقييم :  68
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkblue
افتراضي رد: قصائد محرم 1435 هـ كوت الكريمية (( مكتوبه ))



السلام عليكم
منور بمواضيعك الراقيه خويه علي هاشم
مجموعه راائعه وكلها شجن وابداع صاغتها انامل مبدعين
دمت بانتقاء راائع
تقبل مروري المتواضع على متصفحك الراقي
تحياتي


 
 توقيع : موجة الم






علينا التفكير كثيرا قبل ان نجتاج الخط الاحمر لمفهوم الصداقة !!.

Telegram: Contact @Rasha_alshammari

نقرتين لعرض الصورة في صفحة مستقلةقناتي


رد مع اقتباس
قديم 22nd September 2016, 10:49 PM   #6


الصورة الرمزية محمد أبورغيف
محمد أبورغيف غير متصل

بيانات اضافيه [ + ]
 رقم العضوية : 11444
 تاريخ التسجيل :  Jan 2011
 أخر زيارة : 15th December 2016 (10:26 PM)
 المشاركات : 5,932 [ + ]
 التقييم :  75
لوني المفضل : Cadetblue
افتراضي رد: قصائد محرم 1435 هـ كوت الكريمية (( مكتوبه ))




احسنت ابو رقية مجهود رائع
ربي يوفقك ويديمك ياطيب لهذه الخدمة المباركة


 

رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيده مسلم ابن عقيل _ع_ يقول من قصائد محرم الجديده 1435 حيدر الحلفي الشاعر منبر أشعار خاصة بأحزان آل بيت محمد ص 0 4th November 2013 01:30 PM
قصيده ام البنين _ع_ تقول من قصائد شهر محرم الجديده 1435 حيدر الحلفي الشاعر منبر أشعار خاصة بأحزان آل بيت محمد ص 0 4th November 2013 01:27 PM
قصيده السيده زينب _ع_ تخاطب ابا الفضل العباس _ع_ من قصائد شهر محرم الجديده 1435 حيدر الحلفي الشاعر منبر أشعار خاصة بأحزان آل بيت محمد ص 0 4th November 2013 01:26 PM
قصيده القاسم _ع_ يخاطب امه رمله _ع_ من قصائد محرم الجديده 1435 حيدر الحلفي الشاعر منبر أشعار خاصة بأحزان آل بيت محمد ص 0 4th November 2013 01:24 PM
قصائد مكتوبه للحاج ملا جليل الكربلائي , بهذه المناسبه علي هاشم البدراوي منبر الأرشيف ( المحذوفات ) 7 30th October 2011 02:49 PM


أقسام المنتدى

~*¤ô§ô¤*~ || المنابر العامه || ~*¤ô§ô¤*~ @ المـنـبر الإسلامي @ المنبر العام @ منبر استراحة الأعضاء الموالين @ ~*¤ô§ô¤*~ || المنابر الأدبية و العلمية || ~*¤ô§ô¤*~ @ منبر الادب الحسيني @ ~*¤ô§ô¤*~ || المنابر التقنية والفنية || ~*¤ô§ô¤*~ @ منبرالكـمبيـوتـر والـبرامـج @ منبر الجوال والأجهزه الكفيه @ منبر التصمـيم والجـرافيـكس @ مـنـبر أخــبار المـلا @ منبر الاسره الحسينيه @ منبر ما يطلبه الاعضاء @ منبر الصحه @ منبر المطبخ @ منبر الأرشيف ( المحذوفات ) @ ~*¤ô§ô¤*~ | منابر ملا جليل الكربلائي || ~*¤ô§ô¤*~ @ منبر أشعار خاصة بأحزان آل بيت محمد ص @ ~*¤ô§ô¤*~ || المنابر الإسلاميه || ~*¤ô§ô¤*~ @ منبر القرآن الكريم و الأدعية والزيارات @ منبر العترة الطاهرة والصحابة الكرام @ ~*¤ô§ô¤*~ || المنابر الإجتماعية|| ~*¤ô§ô¤*~ @ منبر الصور @ منبر مايطلبه الأعضاء @ منبر قائم أل محمد عج @ الشاعر جابر النجفي @ منبر شهر رمضان المبارك @ منبر الحج @ منبر محرم الحرام @ منبر صور الملا @ منبر ميديا الملا جليل @ منبر صوتيات آفراح ال البيت ع @ منبر صـوتيـات أحزان ال البيت ع @ منبر الدعاية والأعلان @ منبر أشعار خاصة بأفراح آل بيت محمد ص @ منبر تقديم التعازي ومواساة الأعضاء @ منبر الترحيب بالأعضاء الجدد @ منبر مسابقة رمضان الكبرى 1431 هـ @ الشاعر محمد المالكي @ منبر الشاعر ابو علي السعيدي @ منبر صوتيات ومرئيات أهل البيت عليهم السلام @ الشاعر زكي الياسري @ منبر أشعار أهل البيت عليهم السلام @ منبر شعراء أهل البيت عليهم السلام @ منبر قصائد الملا المقروءه @ منبر الشاعر محمد ابو رغيف @ منبر الشاعر ابو لقاء البهادلي @ منبر الشعر الشعبي @ منبر خاص لدروس الشعر @ منبر استضافة الاعضاء @ منبر الشعر الفصيح @ منبر أشعار شهر محرم الحرام @ Apple ابل @ ~*¤ô§ô¤*~ || المنابر الإعلانية والسياحية والسفر || ~*¤ô§ô¤*~ @ منبر السياحة والسفر @ منبر المجالس الحسينية @



Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
support : Tasaaheel.com

Adsense Management by Losha

HêĽм √ 3.1 BY: ! ωαнαм ! © 2010
جميع الحقوق محفوظة لـ المنتدى الرسمي للرادود الحسيني الحاج ملا جليل الكربلائي
|

تصميم خادم أهل البيت شبكة التصاميم الشيعية